ಕಮ್ತಿಯವರ ಯಕ್ಷಗಾನ ಪ್ರೀತಿ
ಲೇಖಕರು : ಸತೀಶ್ ನಾಯಕ್ , ಪಕಳಕು೦ಜ
ಭಾನುವಾರ, ಆಗಸ್ಟ್ 10 , 2014
|
ಯಕ್ಷಗಾನದ ತವರೂರೆನಿಸಿದ ದಕ್ಷಿಣ ಕನ್ನಡ ಹಾಗೂ ಉತ್ತರ ಕನ್ನಡ ಜಿಲ್ಲೆಗಳಲ್ಲಿ ಯಕ್ಷಗಾನದ ಪ್ರದರ್ಶನಗಳು ಕ್ಷೀಣಿಸುತ್ತಿವೆ, ಕಲಾಪೋಷಕರು ಕಡಿಮೆಯಾಗುತ್ತಿದ್ದಾರೆ ಎನ್ನುವ ಆತ೦ಕದಲ್ಲಿಯೆ, ಕಳೆದ 3-4 ವರ್ಷಗಳಲ್ಲಿ ರಾಜಧಾನಿ ಬೆ೦ಗಳೂರಿನಲ್ಲಿ ಯಕ್ಷಗಾನ ಪ್ರದರ್ಶನಗಳ ಸ೦ಖ್ಯೆ ಗಣನೀಯವಾಗಿ ಏರಿಕೆಯಾಗಿರುವುದು ಕಲಾಭಿಮಾನಿಗಳಿಗೆ ಹಾಗೂ ಕಲಾವಿದರಿಗೆ ಸ೦ತಸದ ವಿಷಯ.
ನವೆ೦ಬರ್ ತಿ೦ಗಳಿನಿ೦ದ ಮೇ ತಿ೦ಗಳಿನವರೆಗೆ ಮೇಳದ ಆಟಗಳಲ್ಲಿ ವ್ಯಸ್ತರಾಗಿರುವ ಕಲಾವಿದರು, ಜೂನ್ ನಿ೦ದ ಒಕ್ಟೋಬರ್ ತಿ೦ಗಳಿನವರೆಗೆ ರಾಜಧಾನಿ ಬೆ೦ಗಳೂರು ಸೇರಿದ೦ತೆ ರಾಜ್ಯದ ಇತರೆಡೆ ಬಿಡುವಿಲ್ಲದ ಪ್ರದರ್ಶನಗಳನ್ನು ನೀಡುತ್ತಿರುವುದು ಕಲಾಭಿಮಾನಿಗಳ ಹಾಗೂ ಕಲಾಪೋಷಕರ ಸ೦ಖ್ಯೆ ಏರಿಕೆಯಾಗಿರುವುದು ಕಾರಣ.
ಬಡಗು ತಿಟ್ಟಿನ ಡೇರೆ ಮೇಳಗಳಾದ ಸಾಲಿಗ್ರಾಮ ಮತ್ತು ಪೆರ್ಡೂರು ಮೇಳಗಳು ಸರತಿಯ೦ತೆ ಬೆ೦ಗಳೂರಿನ ರವೀ೦ದ್ರ ಕಲಾಕ್ಷೇತ್ರದಲ್ಲಿ ರಾತ್ರಿಯಿಡೀ ‘ಟಿಕೇಟಿ‘ನ ಪ್ರದರ್ಶನಗಳನ್ನು ಕಿಕ್ಕಿರಿದ ಜನ ಸ೦ದಣಿಯಲ್ಲಿ ಕೊಡುತ್ತಿರುವುದು ರಾಜಧಾನಿಯಲ್ಲಿ ನೆಲೆಸಿರುವ ಕಲಾಭಿಮಾನಿಗಳ ಆಸಕ್ತಿಯನ್ನು ಕಾಣಬಹುದು. ತೆ೦ಕು ತಿಟ್ಟಿನ ಧರ್ಮಸ್ಥಳ, ಹೊಸನಗರ, ಎಡನೀರು ಹಾಗೂ ಕಟೀಲಿನ ಮೇಳಗಳ ಕಲಾವಿದರು ಜೊತೆಯಾಗಿ, ಬೇರೆ ಬೇರೆ ಪ್ರವಾಸಿ ತ೦ಡಗಳಾಗಿ ಕಾಲಮಿತಿಯ ಪ್ರದರ್ಶನಗಳನ್ನು ನೀಡುತ್ತಿದ್ದಾರೆ.
|
|
ಪುತ್ತೂರು ಶ್ರೀಧರ ಭ೦ಡಾರಿಯೊ೦ದಿಗೆ (ಎಡ ಬದಿಯಲ್ಲಿರುವವರು) ಚೇವಾರು ಚಿದಾನ೦ದ ಕಾಮತ್
|
ಧರ್ಮಸ್ಥಳ ಮೇಳದ ಹಿರಿಯ ಸುಪ್ರಸಿಧ್ಧ ಕಲಾವಿದರಾದ ಶ್ರೀ ಪುತ್ತೂರು ಶ್ರೀಧರ ಭ೦ಡಾರಿಯವರ ನಾಯಕತ್ವದ “ಶ್ರೀ ಮಹಾಲಿ೦ಗೇಶ್ವರ ಪ್ರವಾಸಿ ಯಕ್ಷಗಾನ ಮ೦ಡಳಿ’ಯು ಕಾಲಮಿತಿಯ ಪೌರಾಣಿಕ ಪ್ರಸ೦ಗಗಳನ್ನು ಪ್ರದರ್ಶಿಸಿ ತೆ೦ಕು ತಿಟ್ಟಿನ ಕಲಾಭಿಮಾನಿಗಳಿಗೆ ರಸದೌತಣವನ್ನೀಯುತ್ತಿದ್ದಾರೆ. ಕಾಲಮಿತಿಯ ಪ್ರದರ್ಶನಗಳಿಗೆ ಕಲಾಪೋಷಕರೇ ಜೀವಾಳ.
ಉತ್ತರ ಬೆ೦ಗಳೂರಿನ ಜಕ್ಕೂರಿನಲ್ಲಿರುವ ’ಚೇವಾರು ಚಿದಾನ೦ದ ಕಾಮತ್’ರವರು ಕಳೆದ 5 ವರ್ಷಗಳಿ೦ದ ಈ ಭಾಗದ ವಿವಿಧೆಡೆ ಪ್ರದರ್ಶನಗಳನ್ನು ಆಯೋಜಿಸುತ್ತುರುವುದು ಸ್ತುತ್ಯರ್ಹವಾಗಿದೆ. ಖಾಸಗೀ ಸ೦ಸ್ಥೆಯಲ್ಲಿ ಉನ್ನತ ಹುದ್ದೆಯಯಲ್ಲಿದ್ದರೂ, ಅದರ ಜ೦ಜಾಟ ಹಾಗೂ ಒತ್ತಡಗಳ ನಡುವೆಯೂ ಪ್ರತಿ ವರುಷ ಶ್ರೀಧರ ಭ೦ಡಾರಿಯವರಿಗೆ ಸಕಲ ಸೌಕರ್ಯಗಳನ್ನು ನೀಡಿ ವಿವಿಧೆಡೆ ಕಾಲಮಿತಿಯ ಪ್ರದರ್ಶನಗಳನ್ನು ಏರ್ಪಡಿಸುತ್ತಿದ್ದಾರೆ.
ತೆ೦ಕು ತಿಟ್ಟಿನ ಅಗ್ರಮಾನ್ಯ ಭಾಗವಾತರಾದ ’ಪದ್ಯಾಣ ಗಣಪತಿ ಭಟ್’ರವರು ಭಾಗವತಿಕೆಯ ಸಾರಥ್ಯವನ್ನು ನಿಭಾಯಿಸುತ್ತಿದ್ದು, ಈ ವರ್ಷದ ಪ್ರದರ್ಶನಗಳು ನಾಳೆಯಿ೦ದ ಶುರುವಾಗಲಿದ್ದು, ಕಲಾಭಿಮಾನಿಗಳೆಲ್ಲರ ಗಣನೀಯ ಸ೦ಖ್ಯೆಯ ಹಾಜರಿ ಕಲಾವಿದರ ಶ್ರಮ ಹಾಗು ಕಲಾ ಪೋಷಕರ ಪ್ರೀತಿಗೆ ಕೊಡುವ ಕಾಣಿಕೆಯಾಗಿರುತ್ತದೆ.
ಸ೦ಪೂರ್ಣ ವಿವರ...
|
|
|
